Ortalyq Azııanyń bedeldi sarapshylary elordada bas qosty

NUR-SULTAN. QazAqparat – QR Táýelsizdiginiń 30 jyldyǵyna oraı Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń alańynda «Orta Azııa elderiniń XXI ǵasyrdaǵy mádenıetter tatýlastyǵy» halyqaralyq onlaın-konferentsııasy ótti. Onda Qazaqstan jáne halyqaralyq ǵylymı uıymdardyń jetekshi sarapshylary mazmundy pikirtalas ótkizdi, dep habarlaıdy QazAqparat tilshisi.

Ortalyq málimetinshe, konferentsııada Qazaqstan Respýblıkasynyń Tuńǵysh Prezıdenti - Elbasy N.Nazarbaevtyń jahandyq bastamalaryn jáne álemdik arenadaǵy qazaqstandyq modeldi nasıhattaý, mádenıetterdi jaqyndastyrý úshin kúsh biriktirý, sonymen qatar Ortalyq Azııa elderiniń mádenı-gýmanıtarlyq salasyndaǵy aımaqtyq yntymaqtastyqty odan ári tereńdetý máseleleri qaraldy.

N.Nazarbaev ortalyǵynyń tasqarma tóraǵasy Bolat Sársenbaev halyqaralyq forýmǵa qatysýshy sarapshylarǵa óz alǵysyn bildirdi. Sonymen qatar, Qyrǵyzstan men Tájikstan arasyndaǵy memlekettik shekaradaǵy qarýly qaqtyǵysqa alańdaýshylyq bildire otyryp, Qazaqstan Prezıdenti Q.Toqaevtyń qyrǵyz jáne tájik halyqtary biz úshin tarıhy, mádenı qundylyqtary ortaq baýyrlas el degen tujyrymdamasyna toqtaldy.

B.Sársenbaev óziniń quttyqtaý sózinde Álemdik jáne dástúrli dinder lıderleri Seziniń dinı toleranttylyq pen órkenıetaralyq dıalogty nyǵaıtýdaǵy mańyzdy rólin atap ótti. Sondaı-aq, búgingi konferentsııaǵa qatysýshylar aldynda basty mindet - jalpy mádenı murany saqtaı otyryp, Ortalyq Azııany gúldengen aımaqqa aınaldyrý ekenin jetkizdi.

«Dıalog - aımaqtaǵy dostyq, ózara túsinistik pen turaqtylyq atmosferasyn nyǵaıtýdyń eń senimdi tásil. Mádenıetter men halyqtar arasyndaǵy tatýlyqty ortaq múdde, jalpyǵa ortaq qaǵıdat negizinde damytý múmkin bolady», - dedi N.Nazarbaev ortalyǵynyń basshysy.

Bolat Sársenbaevtyń pikirin qoldaı otyryp, halyqaralyq sarapshylar sez aıasyndaǵy Elbasy N.Nazarbaevtyń aıryqsha úlesine jáne Qazaqstan Respýblıkasynyń Prezıdenti Q.Toqaevtyń ártúrli konfessııalar arasyndaǵy beıbitshilik pen kelisim modelin qurýdaǵy aıryqsha róline basa nazar aýdardy.

Sonymen qatar, konferentsııaǵa qatysýshylar zamanaýı progressıvti álemde eń aldymen, áleýmettik, saıası jáne ekonomıkalyq salalarynda rýhanı úndestik pen kórshilik yntymaqtastyqtyń biriktirýshi faktory bolyp tabylatyndyǵyn rastady.

«Orta Azııa elderiniń XXI ǵasyrdaǵy mádenıetter tatýlastyǵy» halyqaralyq onlaın-konferentsııasynyń qorytyndysy boıynsha qatysýshylar konfessııaaralyq jáne órkenıetaralyq dıalog máselelerin odan ári zerdeleý, máselelerdi sheshýde ózara is-qımyldyń turaqty mehanızmderin qalyptastyrý boıynsha tıisti usynystar ázirledi. Sondaı-aq, Ortalyq Azııa elderiniń, Álemdik jáne dástúrli dinder lıderleri Sezi men onyń ınstıtýttary arasynda yntymaqtastyqty jandandyrýǵa kelisti.