«Ortalyq Azııamen tanysý» ádebı baıqaýyna tapsyrystar qabyldana bastady
Atalǵan baıqaý osy jyldyń qarasha aıynda ótkiziledi. Buǵan deıin Qyrǵyzstan men Ulybrıtanııadan bastaý alǵan kitap forýmy bıyl Qazaqstanda ótetin boldy. Tórt kún ishinde Astana men Almaty qalasynda belgili jazýshylar, saıasatkerler, dızaınerler, kıno jáne BAQ ókilderiniń qatysýymen alýan túrli shara ótedi. Sebebi, bul - Ortalyq Azııa aımaǵyn nasıhattaıtyn birden-bir ádebı baıqaý. Ádebı saıys «Kórkem shyǵarma», «Ádebı aýdarma» jáne «Ádebı shyǵarmaǵa ıllıýstratsııa» degen úsh atalym boıynsha ótpek. Al oǵan qatysatyn shyǵarmalar mátini qazaq, orys, aǵylshyn, qyrǵyz, ózbek, tájik, túrikmen jáne ázirbaıjan tilderiniń birinde jazylýy tıis. Baıqaý jeńimpazynyń kitaby aǵylshyn tiline aýdarylyp, Londonnyń kitap jármeńkesine usynylatyn bolady. Bıylǵy báıgege «Beınefılm» atalymy da qosyldy. Bas júldege 17 myń AQSh dollary tigilip otyr. Mamandardyń aıtýynsha, mundaı forým batys oqyrmandarynyń Ortalyq Azııa aımaǵynyń mádenıeti men ádebıetine degen qyzyǵýshylyǵyn arttyrady.