Ortalyq Azııalyq aımaqtyq aqparattyq úılestirý ortalyǵynyń jumysyn jańa deńgeıge kóterý kerek - QR Parlament Májilisiniń depýtaty
ALMATY. 1 naýryz. QazAqparat - Ortalyq Azııalyq aımaqtyq aqparattyq úılestirý ortalyǵy óziniń alǵashqy qadamdaryn sátti júrgizdi. Endi onyń jumysyn jańa deńgeıge kóterý kerek. Bul týraly búgin Almatyda QR Parlament Májilisiniń Halyqaralyq ister, qorǵanys jáne qaýipsizdik jónindegi komıtetiniń tóraǵasy Máýlen Áshimbaev aıtty.
«Ortalyq Azııalyq aımaqtyq aqparattyq úılestirý ortalyǵy Qazaqstannyń bastamasymen ashylǵan bolatyn. Onyń negizgi maqsaty esirtki bıznesi men tasymalymen kúresti úılestirý. Uıymnyń qurylýy týraly qujatty Parlament 2008 jyly ratıfıkatsııalaǵan bolatyn. Ol halyqaralyq operatsııalardy úılestirýge óz úlesin qosýda. Bul uıymnyń alǵashqy qadamdary dep oılaımyz», - deıdi M. Áshimbaev. Depýtattyń aıttýynsha, endi onyń jumysyn ásirese, 2014 jyly Aýǵanstannan halyqaralyq koalıtsııa kúshteriniń shyǵarylýyna baılanysty jańa deńgeıge kóterý qajet. Sondyqtan bul máslıhatta Parlamentte bekitilgen qujattardyń qalaı júzege asyp jatqanyn baǵalap, oǵan qatysty máseleler jan-jaqty talqylanýda.
