Ortalyq Azııaǵa qaýip qaıdan kelýi múmkin - UQShU shtab bastyǵynyń pikiri
Aıta ketsek, búgin UQShU Birikken shtabynyń bastyǵy Anatolıı Sıdorovtyń «UQShU ujymdyq qaýipsizdik júıesiniń kúshteri men quraldaryn qurylymdaý jáne basqarý organdarynyń birlesken daıarlyǵynyń qorytyndysy» taqyrybyndaǵy brıfıngi ótken bolatyn. Astana - Bishkek-Erevan-Mınsk vıdeokópir formatyndaǵy brıfıngte shtab bastyǵy uıymǵa Shyǵys Eýropa, Kavkaz aımaqtarynan tónýi yqtımal qaýipterdi saralaı kele Ortalyq Azııa týraly da oıymen bólisti.
«Ortalyq Azııa aımaǵyna oıysatyn bolsaq, UQShU-ǵa múshe elderge negizgi qaýipti Aýǵanstandaǵy áli de saıabyrlamaı turǵan qarýly qaqtyǵystar týdyryp otyr. 2018 jyly ártúrli bandalyq qurylymdar men aýǵan kúshteriniń arasyndaǵy qaqtyǵystar óse tústi. Sonymen qatar, talıban qozǵalysy men terrorıstik sanalatyn DAISh-tyń belsendiligi baıqalady. Aýǵanstannyń soltústik óńirlerinde osy úrdisti baıqaýǵa bolady. Ondaǵy turaqsyzdyq ekstremıstik-terrorıstik toptardyń kúsheıýine jaıly jaǵdaı jasaýda», - deıdi Anatolıı Sıdorov.
Sonymen qatar, onyń oıynsha, Ortalyq Azııa elderine taǵy bir ózekti qaýiptiń biri - esirtki zattarynyń tasymaldanýy bolyp otyr.
«Terrorızm deńgeıi boıynsha Aýǵanstan qazir álemdegi ekinshi elge aınaldy. Al 2018 jyly zorlyq-zombylyqtyń kesirinen 3 myńǵa tarta beıbit aýǵan halqy kóz jumǵan», - deıdi ol.
Onyń aıtýynsha, aýǵan daǵdarysyn retke keltirerlik elder arasynda naqty dıalog joq.
«Ujymdyq qaýipsizdikti saqtaý úshin biz uıymǵa múshe eldermen birlesken áskerı daıyndyq jumystaryn júrgizip kelemiz. 2018 jyly biz birlesken daıarlyq tájirıbesin jalǵastyrdyq. Barlyq birlesken oqý-jattyǵý jumystary «Áskerı baýyrlastyq» jedel-strategııalyq oqý sharalary aıasynda ótkizildi. Oqý barysynda sheshim qabyldaý mehanızmderin jetildirý, ujymdyq kúshterdiń áskerılerin basqarý sharýalary keńirek jetildirildi. Sondaı-aq, birlesken operatsııa kezinde qurylymdardyń áreketterindegi tártipti kúsheıtý isi naqtylandy», - dedi Anatolıı Sıdorov.
