Ortalyq Azııadaǵy oń protsester óńirdiń dástúrli seriktesteriniń de múddesine saı - Q. Toqaev
TAShKENT. ÓzA-QazAqparat - Ortalyq Azııadaǵy qazirgi oń protsester óńirdiń dástúrli seriktesteriniń de múddesine saı keledi. Ózbekstannyń «ÓzA» ulttyq aqparat agenttigine suhbat bergen QR Prezıdenti Qasym-Jomart Toqaev osylaı aıtty, dep habarlaıdy QazAqparat tilshisi.
QR Prezıdenti Táýelsizdik alǵan jyldary kóptegen sarapshylar men baqylaýshylar Ortalyq Azııanyń damýy teris stsenarıımen júretinin, jańadan qurylǵan memleketterdiń ydyrap, lańkester qateri artatynyn, qandaı da bir «halıfattyń» qurylatynyn, ishki janjal órship, ekonomıkalyq jáne áleýmettik kúıreý oryn alatynyn boljaǵanyn atap ótti. Egemendik jyldarynda Ortalyq Azııanyń árbir memleketi durys sheshim qabyldap, óńirdegi turaqtylyqty saqtaǵanyn basa aıtty.
«Búginde Ortalyq Azııa óz qalyptasýynyń jańa kezeńin bastan keshirip jatyr. Memleketaralyq yntymaqtastyq nyǵaıtý, ózekti máselelerdiń barlyq spektri boıynsha ózara qolaıly sheshimderin shynaıy izdeý tendentsııasy baıqalady. Bul úshin eń bastysy - óńirdiń barlyq kóshbasshylarynyń saıası erik-jigeri, tatý kórshilik jáne ózara múddelik ustanymy negiginde yntymaqtastyqty damytýǵa daıyndyq bar. 2018 jyldyń naýryzynda Qazaqstannyń elordasynda Ortalyq Azııa memleketteri basshylarynyń birinshi konsýltatıvtik kezdesýi ótti. Bul oqıǵa óńirlik yntymaqtastyqtyń jańa kezeńine aınalǵany asyra aıtqandyq emes. Kezdesý barysynda besjaqty yntymaqtastyqtyń bazalyq basymdyqtary aıqyndalyp, keleshekke josparlar túzildi. Ortalyq Azııa elderi arasyndaǵy saıası dıalog deńgeıi aıtarlyqtaı kóterildi, óńirishilik jáne halyqaralyq kún tártibindegi máselelerdiń basym bóligi boıynsha ustanymdardyń jaqyndyǵy nemese sáıkestigi naqtylandy», - dedi QR Prezıdenti.
Memleket basshysynyń atýynsha, yntymaqtastyqtyń jańa dınamıkasy qazirdiń ózinde óz jemisin berip otyr. Ortalyq Azııada taýar aınalymy aıtarlyqtaı artty, avıa, avtomobıl jáne temir jol baǵdarlary ashyldy. Ótkizý beketterdi jańǵyrtylyp, ınfraqurylymdyq jobalar júzege asyrylyp jatyr. Óńirishilik ekonomıkalyq baılanystar nyǵaıyp, sý resýrstary men ekologııany tıimdi paıdalaný máseleleri birge sheshilýde.
«Aımaqtaný men kooperatsııa tendentsııasy qazirgi álem damýynyń ajyramas bóligi sanalady. Tipti iri jáne baqýatty elderdiń ózi seriktesterimen tyǵyz ózara is-qımyldy jolǵa qoıady. Álemdik tájirıbe kórsetip otyrǵandaı, shaǵyn jáne orta memleketterge yntymaqtastyqtyń tıimdi tuǵyrnamasyn qurý jáne kooperatsııalyq baılanystardy keńeıtý - ómirlik qajettilik. Onsyz uzaqmerzimdi jáne turaqty damý múmkin emes. Bul rette bizdiń elderimizdiń tabıǵı jaqyndasýyn qandaı da bir «bloktyq mental» arnasynda túsindirýge bolmaıdy. Ortalyq Azııadaǵy qazirgi oń protsester bizge ǵana tıimdi emes, sonymen birge óńirdiń dástúrli seriktesteriniń múddesine de saı keledi. Qazaqstan múddelik tanytqan memleketterdiń kez kelgenimen yntymaqtastyqtyń barlyq formasy úshin ashyq», - dedi Q.Toqaev.
