Ortalyq Azııadaǵy qaǵaz, karton jáne oraýysh zattarynyń iri óndirýshisi operatsııalyq qyzmetin qaıta qurylymdady
ALMATY. Mamyrdyń 20-sy. QazAqparat /Erlik Erjanuly/ - Búgin Almatyda «Kagazy Recycling» JShS kompanııanyń operatsııalyq qyzmetin qaıta qurylymdaǵany týraly baspasóz málimdemesin taratty,
dep habarlaıdy QazAqparat.
"Bizdiń kompanııa Qazaqstandaǵy qaǵaz, karton jáne orama zattarynyń jetekshi óndirýshisi sanalady. Sońǵy birneshe jyldyń ishinde naryqta kóshbasshylyq ustanymǵa ıe boldyq. Biz sońǵy qarjylyq daǵdarystyń jaǵymsyz áserine tótep bere aldyq jáne odan az shyǵynmen shyqtyq. Sondaı-aq negizgi básekelestermizge qaraǵanda barynsha qolaıly qarjylyq tıimdilikke ıe boldyq. Al bizdiń keıbir básekelesterimiz óndiristi qysqartsa, keıbiri óz jumysyn toqtatty", deıdi "Qazaqstan qaǵazy" ónerkásiptik tobyna kiretin «Kagazy Recycling» JShS-niń Bas dırektory Irına Evtýshenko.
Kompanııa menedjmenti 3 aı buryn operatsııalyq menedjment jáne qaıta qurylymdaý salasyndaǵy jetekshi halyqaralyq keńesshi AlixPartrners kompanııasyn yntymaqtastyqqa shaqyrǵan bolatyn. Ulybrıtanııa men Germanııa qaǵaz ónerkásibiniń tájirıbeli mamandary olarǵa saýda júıesin qaıta qurýǵa baǵyttalǵan bastamalar serııasyn jasaýǵa kómektesti. Kompanııa bul sharalar shyǵyndy azaıtyp, kiris pen marjalyq tabysty arttyrýǵa kómektesedi dep sanaıdy.
