Ortalyq Azııadaǵy HKU basshysy Májiliske keldi
ASTANA. QazAqparat - Búgin Májiliske Ortalyq Azııadaǵy Halyqaralyq kóshi-qon uıymynyń basshysy Deıan Keserovıch keldi, dep habarlaıdy Májilistiń baspasóz qyzmeti.
Meımanmen Májilistiń Áleýmettik-mádenı damý komıtetiniń hatshysy Beıbit Mamraev jáne atalǵan komıtettiń múshesi Káribaı Musyrman kezdesti. Onda Qazaqstandaǵy ishki jáne syrtqy kóshi-qon jaǵdaıy áńgimeniń basty taqyrybyna aınaldy. D.Keserovıch elimizde sońǵy 25 jyl ishinde osy másele boıynsha úlken jumystar atqarylǵanyn atap ótti. Áńgime barysynda bul tusta jetistikter men qatar olardy sheshý úshin jańa tásilderdi talap etetin suraqtardyń bar ekendigi de ashyq aıtyldy.
Depýtattar HKU-nyń Qazaqstan úshin mańyzdylyǵyn atap óte otyryp, Uıymnyń elimizge áleýmettik jáne ekonomıkalyq salalaryndaǵy memlekettik baǵdarlamalardy júzege asyrýǵa qoldaý kórsetedi degen úmit bildirdi.
Ortalyq Azııadaǵy HKU basshysy Qazaqstanmen odan ári yntymaqtastyqqa, onyń ishinde parlamenttik baılanys turǵysynan da daıyn ekendigin sendirdi.
