Ortalyq Azııadaǵy áleýmettik-ekonomıkalyq ahýal kúrdelene túsýde - Bolat Sultanov
ALMATY. 7 jeltoqsan. QazAqparat /Erlik Erjanuly/ - Ortalyq Azııadaǵy lańkestik pen esirtki tasymaldaýdyń taralýynyń túp negizi aımaqtaǵy áleýmettik-ekonomıkalyq jáne saıası ahýalda jatyr.
Bul týraly QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Bolat Sultanov búgin Almatyda ótip jatqan «Táýelsiz Qazaqstan: búgini men keleshegi» dep atalatyn ǵylymı-tájirıbelik konferentsııada aıtty.
«Aımaqta jumyssyzdyq órshýde. Eger 2008 jyly jumyssyzdyq deńgeıi 10, 6 paızy bolsa, 2010 jyly ol 13 paıyzdy qurady. Jumyssyzdardyń 27 paıyzy jastar. Ózbekstanda 28 mıllıon adam turady. Jyl saıyn 600 myń oqýshy mektep bitiredi. Jumys tabý qıyn. Táýelsiz sarapshylardyń aıtýynsha, 2 mıllıon ózbek janbaǵys úshin shet elde júr. Onyń 25 paıyzy Ońtústik Qazaqstanda», - deıdi B.Sultanov. B. Qylyshbaıulynyń aıtýynsha, tájikterdiń 40-50 paıyzy Reseı men Qazaqstanda. Al qyrǵyzdardyń 50 paıyzdan astamy nápaqasyn ózge elden taýyp júr.
«Ózbekstanda otaǵasy men onyń eresek balalary shet elde jumys jasaıdy, analary jumyssyz. Ortalyq Azııadaǵy áleýmettik-ekonomıkalyq ahýal óte kúrdeli», - dedi tarıh ǵylymynyń doktory B.Sultanov.
