Ortalyq Azııada lańkesterdiń belsendilikteri artyp otyr - N.Bordıýja
TANA. 15 tamyz. QazAqparat /Aıdar Ospanalıev/ - Ujymdyq qaýipsizdik sharty uıymynyń tiziminde osy uıymǵa múshe memleketterdiń barlyǵynyń aýmaǵynda qyzmeti zańsyz dep tabylǵan 34 ekstremıstik, terrorıstik baǵyttaǵy uıym bar.
Olardyń 10-y búginde belsendi túrde jumys isteýde. Bul málimetterdi búgin Astanada ótken Máskeý-Astana beıne baspasóz-máslıhatynda Ujymdyq qaýipsizdik sharty uıymynyń Bas hatshysy Nıkolaı Bordıýja jarııa etti.
Onyń sózinshe, ótken aptada Astanada ótken Ujymdyq qaýipsizdik sharty uıymyna múshe Memleket basshylarynyń beıresmı kezdesýinde UQShU-nyń ujymdyq shuǵyl is-áreket etý kúshterine qatysty máseleler talqylandy. «Bul degenińiz, ekstremıstik jáne terrorıstik baǵyttaǵy uıymdarmen kúres bolyp sanalady. Búgingi tańda osy ekstremıstik, terrorıstik baǵyttaǵy uıymdardyń Ortalyq Azııa aımaǵynda ózderiniń qyzmetterin jandandyra túskeni jasyryn emes. Buǵan árıne birinshi kezekte Aýǵanstandaǵy turaqsyzdyqtar sebep bolyp otyr. Óıtkeni Ortalyq Azııaǵa qaýip týdyryp otyrǵan lańkestik uıymdar ózderine qajettiniń bárin Aýǵanstannan alady. Olarǵa qajetti qarjy da osy Aýǵanstan arqyly keledi. Sonyń nátıjesinde lańkestik uıymdar búginde barynsha kúsheıip, jumystaryn jandandyra túsýde»,-dedi Bas hatshy.
