Ortalyq Azııada bir táýlikte 4 ret jer silkindi

NUR-SULTAN. QazAqparat - QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM-niń seısmıkalyq stansalar jelisi 2020 jyldyń 29 naýryzynda 20 saǵat 28 mınýt 27 sekýndta jer silkinisin tirkedi, dep habarlaıdy QazAqparat.

«Jer silkinisiniń oshaǵy Almatydan 362 km qashyqtyqta Qytaı aımaǵynda ornalasqan. Zilzalanyń energetıkalyq klasy 9.3. Magnıtýdasy MPV 4.1. Baǵyty 39.97° s.e, 77.42° sh.b.»,-delingen habarlamada.

Osylaısha, qazaqstandyq seısmologtar bir táýlikte tórt jer silkinisin tirkedi. Sońǵysy Qytaıda bolǵan zilzala. Oǵan deıin taǵy bir jer silkinisi Qytaıda (Almatydan 647 km qashyqtyqta, magnıtýdasy MPV 4.3) jáne eki jer silkinisi Qyrǵyzstan aýmaǵynda (Almatydan 390 jáne 393 km qashyqtyqta, magnıtýdasy MPV 4.3 jáne 4.9 ) boldy.