Ortalyq Azııa jalpy ishki óniminiń 60 protsenti Qazaqstanǵa tıesili

ASTANA. QazAqparat - Ortalyq Azııa jalpy ishki óniminiń 60 protsenti Qazaqstanǵa tıesili. Bul týraly búgin Astana ekonomıkalyq forýmy aıasynda ótken «Samuryq-Qazyna» qoryn jekeshelendirý baǵdarlamasynyń órkendeýi jáne onyń el ekonomıkasyndaǵy róli» taqyrybyndaǵy sessııa barysynda «Samuryq-Qazyna» UÁQ» AQ-nyń strategııalar men aktıvter portfeli boıynsha basqarýshy dırektory Baljıt Greval aıtty, dep habarlaıdy QazAqparat.

«Qazaqstan ekonomıkasy jańadan qurylǵanyna qaramastan óte belsendi. Bul el jas memleket bolǵanyna qaramastan Ortalyq Azııanyń  jalpy ishki óniminiń 60 protsentin qurap otyr», - dedi ol.

Sonymen qatar ol Ortalyq Azııa elderiniń ishinde Qazaqstan eń birinshi bolyp halyqaralyq uıym reıtıngisin ıelengendigin basa aıtty.

«Qazaqstan Dúnıejúzilik saýda uıymyna múshe boldy.  Ártúrli seriktestermen ekijaqty ózara qarym-qatynasty damytýda», - dep atap ótti  basqarýshy dırektor.

Munan bólek, ol «Samuryq-Qazyna» qoryn transformatsııalaý baǵdarlamasyna toqtalyp ótti.

«Biz úzdik álemdik tájirıbeni engizip, eń joǵary protsesster men tehnologııalardy damytýdamyz. Munan bólek, otandyq ekonomıka aldyndaǵy áleýmettik jaýapkershiligimizdi de qoldap otyramyz. Biz aktsııa qunyn odan ary da arttyra túsemiz. Bul ónimdilik boıynsha joǵary maqsattardy óz aldymyzǵa mindet retinde júkteıtindigimizdi bildiredi», - dedi Baljıt Greval.