Ortalyq Azııa týraly derekti fılm jaryq kóredi - Prezıdenttiń Teleradıokesheni

ASTANA. QazAqparat - Qazaqstan Respýblıkasy Prezıdentiniń Teleradıokesheni Ortalyq Azııa týraly derekti fılmniń jaryq kóretinin málim etti, dep habarlaıdy QazAqparat.

«Kópten kútken, kópshiliktiń qalaýy boıynsha túsirilgen jańa derekti fılmimiz daıyn! Qazirgi kezde Ortalyq Azııa az zerttelgen óńir retinde ǵalymdar, saıasatkerler jáne qarapaıym turǵyndardyń erekshe nazarynda. Bul fılm Ortalyq Azııanyń jańa beınesi, damý baǵytynyń proektsııasy, tarıhy jáne basqa da maǵlumattarǵa toly bolmaq. Áleýmettik jelilerdegi arnalarymyzǵa jazylyńyzdar, telearnalardyń efırinde bolatyn ýaqytty qosymsha jazatyn bolamyz!», - delingen Feısbýktegi habarlamada.