«Ortalyq Azııa talanttardy izdeıdi» jobasy kastıng ótkizip jatyr
Got Talent - brıtandyq Saımon Koýelldyń jobasy. Búginge deıin bul format lıtsenzııa arqyly álemniń 70 elinde júzege asyrylǵan. 2014 jyldyń sáýir aıynda Got Talent álemdegi eń tabysty televızııalyq format retinde Gınnestiń rekordtar kitabyna engen.
«Habar» telearnasynyń bastamasymen Ortalyq Azııanyń talantty turǵyndaryn bir alańǵa jınamaqpyz. Otandyq arnalarda buǵan deıin án, bı, sport jarystary ótken bolatyn. Al bizdiń baıqaýda kez kelgen daryndy adam baǵyn synap kóre alady. Osylaısha, Ortalyq Azııa elderi arasyndaǵy rýhanı, mádenıe ıntegratsııany damytamyz jáne osy jobada tanylǵan qarapaıym adamdar 4 elde birdeı tanymal bolady», - dedi «Habar» agentigi» AQ Basqarma tóraǵasynyń birinshi orynbasary Rınat Kertaev.
Jobanyń bas prodıýseri Serik Aqyshevtiń aıtýynsha, Central Asia's Got Talent shoýy «Habar» (Qazaqstan), «Zo'r TV» (Ózbekstan), KTRK (Qyrǵyzstan) jáne «TV Safına» (Tájikstan) telearnalarynan kórsetiledi. Shoýǵa Ortalyq Azııa men ózge de elderdiń azamattary qatysa alady. Úmitkerdiń jasy men talantyna esh shekteý qoıylmaıdy.
Jobaǵa qatysý úshin Ortalyq Azııa turǵyndary jáne sheteldikter +7 700 600 24 24 nomerine habarlama jibere alady nemese áleýmettik jelilerdegi jobanyń resmı paraqshalaryna, poshtasyna (@centralasiagottalent) hat joldaýy tıis.
Joba 5 kezeńnen turady. Іrikteý, ashyq tyńdalym, shırek fınal, jartylaı fınal jáne aqtyq fınal. Birinshi kezeńde jobaǵa qatysýshylardyń ótinimderi qabyldanady jáne 4 elde irikteý kezeńi júrgiziledi.
Jobanyń bas jeńimpazyna 10 mln teńge kóleminde júlde taǵaıyndalǵan, odan bólek tórt eldiń jeńimpazyna da 3 mln teńgeden syıaqy beriledi.
Uıymdastyrýshylardyń aıtýynsha, 2019 jyldyń qyrkúıek aıynda shoýdyń tusaýy kesiledi. Al jeltoqsan aıynda Grand fınal ótedi.
