«Ortalyq Azııa – Reseı» formatyndaǵy baılanystyń ózekti mindeti qandaı

ASTANA. QazAqparat – QR Prezıdenti Qasym-Jomart Toqaev «Ortalyq Azııa – Reseı» sammıtinde sóılegen sózinde atalǵan formattaǵy baılanystardyń ózekti mindetin atady, dep habarlaıdy QazAqparat tilshisi.

«Biz osy mańyzdy salaǵa nazar aýdaryp, ony jańa sapaly mazmunmen jan-jaqty toltyrýymyz kerek. Negizgi belgi bizdiń dostyǵymyzdyń, tatý kórshiligimizdiń jáne strategııalyq áriptestigimizdiń myzǵymastyǵy bolýǵa tıis. Biz halyqtarymyzdyń arasyn alshaqtatý áreketterine tıimdi qarsy turýymyz kerek. Tarıhı jáne mádenı qundylyqtarymyzdyń myzǵymastyǵyn qamtamasyz etýge múmkindik beretin birlesken sharalar keshenin ýaqtyly qabyldaýymyz qajet», -dedi Memleket basshysy «Ortalyq Azııa – Reseı» sammıtinde.

Prezıdent Ortalyq Azııa elderi men Reseı jastarynyń arasyndaǵy baılanysty bilim jobalary arqyly jetildirýge bolatynyn eske saldy.

«Jastar arasyndaǵy baılanysty nyǵaıtý, bilim berý salasyndaǵy yntymaqtastyqty keńeıtý – ózekti mindet», - dedi Qazaqstan basshysy.

Aıta, keteıik sammıtke Qazaqstan, Qyrǵyzstan, Ózbekstan, Tájikstan, Túrikmenstan jáne Reseı prezıdentteri keldi, olar altyjaqty formattaǵy yntymaqtastyqtyń keleshegin talqylap jatyr.