Ortalyq Azııa men Reseı Qaýipsizdik keńesi hatshylary birinshi ret Almatyda bas qosty
Prezıdent Qasym-Jomart Toqaev jıyn qatysýshylaryna arnaǵan óziniń beıneúndeýinde bizdiń aımaq úshin qazirgi jaǵdaıda turaqtylyqty saqtaý jáne qaýipsizdikti nyǵaıtý asa mańyzdy mindet ekenin atap ótti.
Ol úshin yqtımal qaýipke durys boljam jasaý, aldyn ala áreket etý sharalary jáne jańa ári sapaly ortaq ádisterdi jedel ázirleý mańyzdy.
Jıyn barysynda qazirgi halyqaralyq jaǵdaıdy jáne aımaqtaǵy elderdiń ulttyq múddelerin eskere otyryp, yntymaqtastyqtyń naqty salalary qarastyryldy.
Prezıdenttiń kómekshisi – Qaýipsizdik keńesiniń hatshysy Ǵızat Nurdáýletov Aýǵanstandaǵy ahýaldy turaqtandyrýǵa atsalysý, kólik jáne azyq-túlik qaýipsizdigin qamtamasyz etý jáne basqa da ózara is-áreketterdiń basym baǵyttaryn usyndy.
Klımattyń ózgerýi jaǵdaıynda ortaq ekojúıeni saqtaý úshin sý qaýipsizdigi máselesine erekshe nazar aýdaryldy.
Sondaı-aq osy kúni Ǵızat Nurdáýletov pen Reseı Qaýipsizdik keńesiniń hatshysy Nıkolaı Patrýshevtiń tóraǵalyǵymen Qazaqstan men Reseı Qaýipsizdik keńesi apparattarynyń arasynda josparly ekijaqty keńesý sharasy ótti.
Oǵan tıisti memlekettik organdardyń basshylary men qyzmetkerleri qatysty.
Taraptar Ortalyq Azııada terrorızm men dinı ekstremızge qarsy is-qımyl salasyndaǵy is-áreketterdi talqylap, qazirgi geosaıası jaǵdaıǵa baǵa berip, pikir almasty.
