Ortalyq Azııa men Reseı elderiniń Syrtqy ister mınıstrleri Birlesken málimdeme qabyldady
«Alań COVID-19 pandemııasynyń teris saldaryn eńserýdegi taraptardyń kúsh-jigerin shoǵyrlandyrý úshin, sondaı-aq álemde saıası, áleýmettik-ekonomıkalyq jáne ekologııalyq problemalardy ózektendirý turǵysynan erekshe mańyzǵa ıelenýde», - dep habarlady QR SІM.
Onlaın-kezdesýdiń qatysýshylary Ortalyq Azııa memleketteri men Reseı arasyndaǵy yntymaqtastyq ǵasyrlar boıy dostyq, ózara qurmet pen senim dástúrlerine sáıkes, sondaı-aq Eýrazııa óńirindegi jasampaz protsesterdi eskere otyryp damyp kele jatqanyn atap ótti. Dıalog ortaq múddelerge jaýap beredi jáne óńirdegi ekonomıkalyq ósý men qaýipsizdiktiń mańyzdy faktory bolyp tabylady.
Ortalyq Azııadaǵy qaýipsizdikti nyǵaıtý jáne ornyqty ósýdi qamtamasyz etý maqsatynda uzaq merzimdi kópjosparly ózara is-qımyldy keńeıtý, memleketaralyq baılanystardy tereńdetý máseleleri boıynsha jan-jaqty pikir almasyldy. Saýda-ekonomıkalyq jáne energetıkalyq ózara is-qımyldyń, kólik-tranzıt salasyndaǵy «Ortalyq Azııa + Reseı» formatyndaǵy elderdiń mańyzdy bastamalaryn iske asyrýdyń perspektıvalary, sondaı-aq azamattardyń utqyrlyǵy máseleleri jáne Eýrazııa óńirindegi epıdemıologııalyq ahýal qaraldy.
Ortalyq Azııa elderindegi Densaýlyq saqtaý jáne qorshaǵan ortany qorǵaý júıeleriniń aldynda turǵan qazirgi zamanǵy syn-qaterler de talqylandy. Mádenı-gýmanıtarlyq yntymaqtastyqty nyǵaıtýǵa erekshe nazar aýdaryldy.
Mınıstrler syrtqy saıası vedomstvolardyń kúsh-jigerin ózara is-qımyldyń strategııalyq mańyzdy baǵyttaryna shoǵyrlandyrýǵa, ekonomıkalyq jáne óńiraralyq yntymaqtastyqty keńeıtýge daıyn ekendikterin bildirdi.
Kezdesý qorytyndysy boıynsha Ortalyq Azııa men Reseı memleketteriniń Syrtqy ister mınıstrleriniń Birlesken málimdemesi qabyldandy.
