Ortalyq Azııa men Qytaı arasyndaǵy taýar aınalymy 45,4% ósti

BEIJІŃ. QazAqparat - Ortalyq Azııanyń bes eli men Qytaıdyń taýar aınalymy 2022 jyly 45,4% ósti. Bul týraly Qytaıdyń Bas keden basqarmasy (BKB) málimdedi, dep habarlaıdy QazAqparat tilshisi.

2022 jyly Qytaıdyń «Bir beldeý, bir jol» boıynda ornalasqan eldermen taýar aınalymy 19,4% artyp, 13,83 trln ıýandy (qazirgi valıýta baǵamy boıynsha shamamen 2,05 trln dollar) qurady. Sońǵy bir jylda Qytaıdan «Bir beldeý, bir jol» elderine eksporty 7,89 trıllıon ıýan (1,17 trln dollar), Qytaıǵa ımport - 5,94 trıllıon ıýan (882,6 mıllıard dollar) boldy.

2022 jyly Ortalyq Azııanyń bes eli men QHR arasyndaǵy taýar aınalymy 45,4%-ǵa, Qytaı men ASEAN arasyndaǵy taýar aınalymy 15%-ǵa ósti.
Qytaı kedeniniń statıstıkasyna sáıkes, 2022 jyly Qytaı «Beldeý jáne jol» boıyndaǵy elderden energetıka jáne aýyl sharýashylyǵy ónimderi ımportyn tıisinshe 58,8%-ǵa (2,46 trln ıýan (shamamen 365,5 mlrd dollar) jáne 13,4%-ǵa (370,4 mlrd ıýan (55,03 mlrd dollar) ulǵaıtty.

Photo: dknews.kz