Ortalyq Azııa memleketteri bir jylǵa arnalǵan sý lımıtin bekitti
Otyrys barysynda Orta Azııa memleketteriniń basshylary 2019-2020 jyldar aralyǵyndaǵy vegetatsııalyq kezeńde paıdalanylatyn sýdyń shekteýli qoryn bekitti.
Memleketaralyq sý sharýashylyǵyn úılestirý komıssııasynyń 77-shi otyrysyna Qazaqstan Respýblıkasynyń Ekologııa, geologııa jáne tabıǵı resýrstar mınıstri Sergeı Gromov, Qazaqstan Respýblıkasynyń Ekologııa, geologııa jáne tabıǵı resýrstar mınıstrliginiń Sý resýrstar komıtetiniń tóraǵasy Arman Turlybek, Ózbekstan Respýblıkasynyń Sý sharýashylyǵy mınıstri Shavkat Hamraev, Tájikstan Respýblıkasy Energetıka jáne sý resýrstary mınıstrligi sý-energetıka saıasaty, ǵylym men tehnıkany damytý basqarmasynyń bastyǵy Daler Abdýrazokzoda, Túrikmenstannyń Sý sharýashylyǵy memlekettik komıteti tóraǵasynyń orynbasary Dovletmýrad Mammedov qatysty.
Jıynda Syrdarııa jáne Ámýdarııa ózenderiniń basseınderi boıynsha 2019 jylǵy vegetatsııalyq kezeńde sý qoımalary kaskadtarynyń jumys rejımi men lımıtterin paıdalaný qorytyndylary talqylandy.
Kelissóz qorytyndysy boıynsha 2019-2020 jyldar aralyǵynda Syrdarııa jáne Ámýdarııa ózenderiniń basseınderi boıynsha elderdiń sý alý lımıtteri men sý qoımalary kaskadtarynyń boljamdyq jumys rejımi bekitildi.
Memleketaralyq sý sharýashylyǵyn úılestirý komıssııasynyń kezekti 78-shi otyrysy Túrikmenstan astanasy Ashhabad qalasynda 2020 jyly ótedi.
