Ortalyq Azııa memleketteri basshylary Konsýltatıvtik kezdesýiniń birlesken málimdemesi qabyldandy

NUR-SULTAN. QazAqparat - Prezıdent Qasym-Jomart Toqaev qatysqan Ortalyq Azııa memleketteri basshylarynyń IV Konsýltatıvtik kezdesýinde qorytyndysy boıynsha birneshe mańyzdy qujattar qabyldandy dep habarlaıdy QazAqparat BORT№1 Telegram-arnasyna silteme jasap.

Atap aıtqanda, jıyn sońynda Ortalyq Azııa memleketteri basshylarynyń Konsýltatıvtik kezdesýiniń birlesken málimdemesi, Óńirlik yntymaqtastyqty damytýdyń 2022-2024 jyldarǵa arnalǵan jol kartasy, Ortalyq Azııa memleketteriniń kópjaqty formattar aıasyndaǵy ózara is-qımyldar tujyrymdamasy, Ortalyq Azııaǵa arnalǵan «Jasyl kún tártibi» aımaqtyq baǵdarlamasy qabyldandy.

Budan bólek Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy arasyndaǵy Ortalyq Azııany HHІ ǵasyrda damytýdy kózdeıtin dostyq, tatý kórshilik jáne yntymaqtastyq týraly shart kelisildi jáne oǵan qol qoıý rásimi bastaldy.

Sonymen qatar Araldy qutqarý halyqaralyq qorynyń quryltaıshy memleketteri basshylarynyń Araldy qutqarý halyqaralyq qory prezıdentiniń ókilettikterin uzartý týraly sheshimge qol qoıyldy.

Foto: t.me/bort_01