Ortalyq Azııa medıaforýmynda zamanaýı BAQ-tyń basty problemalary ataldy

ASTANA. QazAqparat – «Valdaı» halyqaralyq pikirtalas klýbynyń damý jáne qoldaý qory basqarmasynyń tóraǵasy Andreı Bystrıtskıı qazirgi zamanǵy jýrnalıstıkanyń basty problemalaryn atady, dep habarlaıdy QazAqparat tilshisi.

«Búginde aqparattar derekkóziniń óte kóp bolýy jáne olardy eńserýdiń múmkin emestigi problemaǵa aınalyp otyr. Shynaıy aýdıtorııa ólshemine qatysty da úlken problema bar. Onyń qalaı jumys isteıtinin túbegeıli túsine almaı júrmiz», - dedi ol І Ortalyq Azııa medıaforýmy barysynda.

Sonymen qatar ol jalpy medıa salasynda problema kóp ekenin basa aıtty.

«Eń basty problema - aqparattar derekkóziniń kóptiginen baǵdar jasaý qıynǵa túsip otyr. Ártúrli denńgeıdegi medıalar arasyndaǵy aıyrmashylyq joıylyp barady. Shartty túrde aıtar bolsaq, qandaı da bir jýrnal salmaqty dúnıe jazsa, endi bir gazet keshe ǵana árip tanyǵan, eshteńe bilmeıtin adam da jeńil oqı alatyn maqala basady», - dedi Andreı Bystrıtskıı.

Osy osy oraıda spıker mundaı jaǵdaıda ne isteýge bolady degen saýalǵa jaýap berýge tyrysty.

«Mundaı jaǵdaıda bir nárse jasaýǵa bola ma? Birshama bolady. Degenmen, naqty daıyndaý ádisi bolmaǵanymen qandaı da bir quraldary bar. Aqparatty barynsha qysqa nemese oraıly jazýǵa tyrysý kerek. Túrli ádister oılap tabýǵa bolady. Jalpy, saraptamalyq aqparatty qoldanatyn adamdardyń mindeti - baǵdarlamasyna qyzyǵýshylyqty arttyrý, aýdıtorııasyn ulǵaıtý. Al bul aqparatty shyǵarýǵa jáne túsinýge tyrysatyn adamdardyń mindeti – shynaıy jaǵdaıda ne bolyp jatqanyn túsinikti tilde jetkizý. Alaıda, búginde jaýaptan saýal kóp», - dedi ol.