Ortalyq Azııa medıaforýmy: Biryńǵaı medıaplatforma qurý máselesi kóterildi
«Prezıdent Qasym-Jomart Toqaevtyń Ortalyq Azııa medıaforýmyn ótkizý týraly bastamasy óte mańyzdy, suranysqa ıe jáne ózekti. Bul shara bir rettik bolmaıdy, turaqty túrde ótedi dep úmittenemiz jáne Biz ortalyqazııalyq otbasymen únemi kezdesip, óńirimizdi tolǵandyratyn eń ózekti máselelerdi talqylaı alamyz. Meniń oıymsha, búgingi biryńǵaı medıaplatforma qurý máselesin kóterip otyrǵanymyz durys. Ol búkil aımaq úshin ortaq, birtutas sıpatqa ıe bolady. Bul ıdeıa bir mindetke – Ortalyq Azııadaǵy óńirlik biregeıliktiń irgeli negizderin qalyptastyrý úshin óte mańyzdy. Bul, eń aldymen, medıa salasynda kúsh biriktirmeı sheshe almaıtyn óte mańyzdy mindet», - dedi E. Arıpov.
Óz sózinde spıker ortaq mádenı qundylyqtar men dástúrler negizinde yntymaqtastyqty keńeıtý anaǵurlym tıimdi ekenin atap ótti.
«Ortalyq Azııa týraly biletini az, biraq obektıvti zańdy jaqsy túsinetin birqatar eýropalyq ǵalymdar júrgizgen óte qyzyqty zertteý bar. Olar empırıkalyq zertteýler júrgizip, ortaq mádenı qundylyqtardy, dástúrlerdi bólisetin elder ózara is-qımylda, yntymaqtastyqta jáne saýda salasynda, ekonomıkalyq qatynastarda, ınvestıtsııalarda áldeqaıda tıimdi degen qorytyndyǵa keldi. Nelikten bulaı? Bir ǵana sebep – senim faktory. Senim faktory óte mańyzdy. Biz birinshi kezekte kimge senemiz? Eń aldymen, biz óte jaqsy biletinder men túsinetinderge. Sondyqtan aımaqtyq sáıkestik óte mańyzdy. Ortalyq Azııadaǵy árbirimiz óz elimizdiń bir bóligin ǵana emes, jalpy óńirdiń – Ortalyq Azııa óńiriniń bir bóligin de sezine bastaǵanymyz mańyzdy», - dep atap ótti ol.
Ózbekstannyń strategııalyq jáne halyqaralyq zertteýler ınstıtýtynyń basshysy bul tásildiń formýlasyn Ózbekstan Prezıdenti usynǵanyn atap ótti.
«Prezıdentimiz «Ortalyq Azııa – bir tarıh – ortaq bolashaq» degen urandy usyndy, bizde shynymen de myqty mádenı mura bar. Alaıda, biz alǵa umtylǵymyz kelse, kez bolatyn máselelerdi ortaǵa salyp, birge sheshý kerek ekenin túsiný mańyzdy. Biz ǵasyrlar boıy qatar ómir súrdik, biraq, ókinishke qaraı, bir-birimizdi jaqsy bilmeımiz, jete túsinbeı kelemiz. Muny eńserý úshin eń aldymen, obektıvti aqparatty kóbirek taratyp, qyzyǵýshylyq tanytý qajet. Bizdiń qazaqstandyq dostarymyz usynǵan bul ıdeıa óziniń úlken mıssııasyn oryndaı alady dep oılaımyn», - dep qorytyndylady Eldor Arıpov.
