Ortalyq Azııa máselesin biz óz máselemiz dep qabyldaımyz - Aqparattyq-taldaý ortalyǵynyń bas dırektory
; ALMATY. Sáýirdiń 9-y. QazAqparat /Erlik Erjanuly/ - Qyrǵyzstandaǵy sońǵy jaǵdaılar Ortalyq Azııa aımaǵyna ǵana emes Eýrazııa qurlyǵyndaǵy geosaıası kúshterdiń tepe-teńdigine óz áserin tıgizedi. Bul búgin Almatyda ótip jatqan «Ortalyq Azııada beıbitshilik pen qaýipsizdikti qamtamasyz etýdegi Qazaqstannyń róli» dep atalatyn halyqaralyq ǵylymı-tájirıbelik konferentsııada aıtyldy,
habarlaıdy QazAqparat.
«Qyrǵyzstandaǵy jaǵdaıǵa baılanysty Reseı basshylyǵy Qazaqstannyń EQYU men basqa da yqpaldastyq jobalaryndaǵy kez-kelgen bastamasyn qoldaıdy. Kóptegen sarapshylar úshin Qyrǵyzstandaǵy sońǵy jaǵdaı kútpegen jáıt boldy. Ortalyq Azııa máselesin biz óz máselemiz dep qabyldaımyz. Qazaqstan, Ózbekstan, Qyrǵyzstan, Tájikstan dep bólmeı postkeńestik keńistegi ortaq másele dep sanaımyz», deıdi M. Lomonosov atyndaǵy Máskeý memlekettik ýnıversıteti janyndaǵy Poskeńestik keńistiktegi qoǵamdyq-saıası úderisterdi zertteý jónindegi aqparattyq-taldaý ortalynyń bas dırektory Alekseı Vlasov. Onyń paıymdaýynsha, Ortalyq Azııadaǵy yqpaldastyq pen qaýipsizdik máselesinde kóshbasshy retinde Qazaqstan birqatar jaýapkershilikti óz moınyna alý kerek. Óıtkeni, aımaqta turaqsyzdyq oryn alsa Qazaqstan qoǵamy da onyń zardabyn shegedi.
