Ortalyq Azııa halyqaralyq kólik toraby bolady - Dúnıejúzilik keden uıymynyń Bas hatshysy
QazAqparat /Erlik Erjanuly/ - Qazaqstan barlyq bastamalarda Ortalyq Azııada kóshbasshy bolýy kerek.Ony Dúnıejúzilik saýda uıymynyń Bas hatshysy Kýnıo Mıkýrııa búgin Almaty kedendik rásimdeý ortalyǵynyń jumysymen tanysý kezinde aıtty,
dep habarlaıdy QazAqparat.
"Meniń bul saparym Astana qalasyndaǵy Dúnıejúzilik kedendik uıymynyń aımaqtyq oqý ortalyǵynyń ashylýyna arnaldy. Aımaqtyq oqý ortalyǵyn ashý úshin Qazaqstan jaıdan-jaı tańdap alynǵan joq. Munda óte úlken jańartý jumystary júrgizilip jatyr. Qazaqstan bul jaǵynan aımaqta kóshbasshy. Qazir ol halyqaralyq kólik baılanysynyń ortalyǵy bolýǵa umtylýda. Árıne, Qazaqstan Ortalyq Azııada barlyq bastamalarda kóshbasshy bolýy kerek", deıdi Kýnıo Mıkýrııa. Qazaqstannyń keden qyzmetin jetildirýde atqaryp jatqan jumystaryn óz kózimen kórgen ol rızashylyǵyn jasyra almady. Sondaı-aq Qazaqstannyń keden qyzmeti bul jańartýdy aldaǵy ýaqytta budan ary jalǵastyratynyna úlken úmit artty. Onyń paıymdaýynsha, buǵan saýda men ınvestıtsııadaǵy zor ileýet múmkindik beredi.
