Ortalyq Azııa energojúıesinen shyǵýǵa qatysty sharalar qabyldanbasa, elektr qýatyna qatysty jaǵdaı kúrdeli kúıinde qala beredi

Búgin Úkimet otyrysynda Indýstrııa jáne jańa tehnologııalar vıtse-mınıstri Baqytjan Jaqsalıev osylaı málim etti.

«Aldaǵy jylytý maýsymyna sapaly daıyndyq úshin ákimdikter janyndaǵy shtabtarda kelisilgen merzimderge sáıkes jóndeý jumystarynyń atqarylýyna, otyn qoryn qalyptastyrýǵa, jylý jelileriniń gıdravlıkalyq synaqtaryn ótkizýge, kúzgi-qysqy jumysqa ázirliktiń pasportyn alýǵa baqylaý jasaý asa mańyzdy. Sonymen qatar, Biryńǵaı energojúıe jumysyndaǵy asa ózekti máselelerdiń biri Ózbekstannyń energojúıesinen qýattardy kelisimshartsyz alýdy jalǵastyrý bolyp tabylady. Bunyń ózi Reseıden elektr energııasyn qymbat baǵaǵa satyp alýǵa májbúrlep jatyr. Ortalyq Azııa elderiniń energojúıesine qosarlas jumystan shyǵý boıynsha sáıkes sharalar qabyldanbaıynsha, bul jaǵdaı kúrdelene bermek», - deıdi B. Jaqsalıev.

Onyń aıtýynsha, kúzgi-qysqy maýsymǵa daıyndyq saraptamasynyń nátıjeleri boıynsha qyrkúıek aıyna taman jylý maýsymyna úlken qıyndyq týdyrýy múmkin óńirler aıqyndalmaq.