Ortalyq Azııa elderiniń syrtqy saıası baǵytynyń ártúrliligi máselelerdi sheshýge óz áserin tıgizýde - Eýropalyq aqparattyq ortalyqtyń dırektory
LMATY. Naýryzdyń 15-i. QazAqparat /Erlik Erjanuly/ - Ortalyq Azııa elderi qazir aımaqtyq máselelerdi óz kúshimen sheshe almaýda. Bul jaıynda búgin Almatyda ótip jatqan «QR Prezıdentiniń halyqqa Joldaýy aıasyndaǵy Qazaqstannyń EQYU-na tóraǵalyǵy» dep atalatyn dóńgelek ústel jıynynda aıtyldy,
dep habarlaıdy QazAqparat.
«Qazaqstan 1992 jyldan bastap kópvektorly saıasatty júrgizip kele jatyr. Oǵan aıtylǵan syn pikirler de bar. Biraq geografııalyq jáne saıası jaǵdaıdy qarasaq, bizde budan basqa amal joq. Halyqaralyq qarym-qatynasta áskerı jáne mádenı saıasat jaqsy qarastyrylyp jatyr. Endi nazardy ekonomıkaǵa kóbirek bólý kerek. Dıplomatııany ekonomıkalandyrýda ekijaqty, kópjaqty qatynastarǵa nazar aýdarý qajet. Syrtqy saıasatta barlyq baǵyt birdeı bolý kerek jáne onda tepe-teńdik qatynasty saqtaý qajet», deıdi Qazaqtyń ál- Farabı atyndaǵy ulttyq ýnıversıtetiniń Eýropalyq aqparattyq ortalyǵynyń dırektory Quralaı Baızaqova. Energetıka, sý jáne zańsyz kóshi-qon máselelerin sheshý kezinde Ortalyq Azııa elderiniń ortaq sheshimge qol jetkize almaýy, Quralaı Ertisqyzynyń aıtýynsha, syrtqy saıası baǵyttyń ártúrliginde. Syrttan kómek bolmasa aımaqtaǵy elder bul máselelerde ońtaıly sheshimge qol jetkizýi qıyn. Sondyqtan, halyqaralyq uıymdardyń araǵaıyndyǵyna júginetin ýaqyt keldi. Qazaqstannyń «Eýropaǵa jol» baǵdarlamasyn qabyldaýdaǵy bir maqsaty tek shıkizat kózi bolyp qalmaı, Eýropanyń ozyq tehnologııasyn ıgerý. Sol arqyly qordalanǵan máseleni sheshýge jaǵdaı jasaý.
