Ortalyq Azııa elderiniń syrtqy ister mınıstrleri Qyrǵyzstanda kezdesedi

ASTANA. QazAqparat - Qazaqstan Respýblıkasynyń Syrtqy ister mınıstri Qaırat Ábdirahmanov Qyrǵyzstanǵa jumys saparymen barady, dep habarlaıdy «QazAqparat» HAA tilshisi vedomstvonyń baspasóz qyzmetine silteme jasap.

Qaırat Ábdirahmanov Sholpan atada ótetin Ortalyq Azııa elderiniń syrtqy ister mınıstrleriniń otyrysyna qatysatyn bolady.

«Kezdesýde mınıstrler Ortalyq Azııadaǵy ahýal jóninde pikir almasýdy, kópjaqty qurylymdar aıasyndaǵy yqpaldastyqty talqylaýdy, kún tártibinde turǵan óńirlik jáne halyqaralyq máselelerdi qaraýdy josparlap otyr», - delingen habarlamada.

Kún tártibinde, sondaı-aq Ortalyq Azııa memleketteri basshylarynyń konsýltatıvtik kezdesýleriniń qorytyndysy boıynsha qol jetkizilgen kelisimderdiń oryndalý jaıy da bolady. Kezdesý ústimizdegi jyly Astanada ótken bolatyn.