Ortalyq Azııa elderine Qazaqstan aýmaǵynan 95% spam taralady
ALMATY. 23 tamyz. QazAqparat /Ádilet Musahaev/ - «Kasperskı zerthanasy» (Laboratorııa Kasperskogo) 2011 jyldyń ekinshi toqsanyndaǵy spamshylardyń qyzmeti jóninde esep nátıjesin jarııalady. Elektrondy poshtalyq spamdar aǵyny orta eseppen 82,5%, quraǵan, ıaǵnı birinshi toqsanǵa qaraǵanda 3,9% ulǵaıǵan.
Sondaı-aq zertteý nátıjeleri boıynsha Ortalyq Azııa elderi arasynda spamnyń taralýy jaǵynan Qazaqstan dástúrli túrde birinshi orynǵa shyqqan. Onyń aımaǵynan jalpy 95,19% mólsherde jaǵymsyz korrespondentsııalar taraǵan, sonymen birge Qazaqstan enshisinde spamnyń jalpy dúnıjúzilik kólemdegi 1,61% bar. Ekinshi orynda 2,04% kórsetkishpen Ózbekstan tur, al Qyrǵyzstan 1,32% jaǵymsyz hattar taratýmen úshinshi orynǵa ilikken.
«Kasperskı zerthanasy» sarapshylarynyń baǵalaýynsha ótken jyly men aǵymdaǵy jyldyń basynda jabylǵan zombı - jelilerdiń qýaty aqyryndap qalpyna kelýde, ıaǵnı spamshylar jańa erejeler boıynsha ómir súrýge daǵdylanǵan.
Sonymen qatar 2011 jyldyń ekinshi toqsanynda spamdar kóbinde Úndistan, Brazılııa jáne Indonezııa elderinen belsendi túrde tarala bastaǵan.
