Ortalyq Azııa elderine birlesip áreket etken paıdaly - zertteýdiń nátıjesi
«Jalpy, aımaq elderi birlesip áreket jasap, qazirgi qaýip-qaterlerge tótep bere ala ma?», dedi olar. Oǵan Nazarbaev Ýnıversıtetiniń bas dırektory Qanat Baıǵarın jaýap berdi, dep xabarlaıdy QazAqparat tilshisi.
"Negizi, Ortalyq Azııanyń xalqy qazirgi qaýip-qaterlerdiń bárin jaqsy túsinedi. Bilim men ǵylym salasynda júrgen qarpaıym adamdar energetıka men texnologııanyń balansy, klımattyń ózgerýi sııaqty jahandyq problemalardy da biledi. Sosyn bizdiń kózqarasymyz da bir, kóp aıyrmashylyq joq. Alaıda sheshim qabyldaıtyn adamdar basqa bir ekonomıkalyq maqsattarǵa basymdyq berip jatady. Saıası ustanym da bar. Sonyń nátıjesinde uzaqmerzimdi maqsattar qysqamerzimdi josparlardyń kóleńkesinde qalyp jatady", - deıdi Baıǵarın.
Ǵalymnyń aıtýynsha, búginde Ortalyq Azııada jeke-dara emes, birlesip sheshim qabyldaıtyn ýaqyt keldi. Sebebi transshekaralyq ózen-sýlar, energetıka, ekologııa jáne taǵy basqa ortaq máseleler kóp. "Biz ózimiz bir zertteý jasap, naqty bir sheshimge keldik. Eger Kaspıı aımaǵyndaǵy memleketter óz saıasatyn úılestirip, birlesip júrgizse, onda qazirgi jeke-dara áreket etýimizge qaraǵanda, birlesip jumys istegennen eki ese artyq ekonomıkalyq paıda túsedi. Bul - matematıkalyq model. Ony bárimiz jaqsy túsinemiz. Ókinishke qaraı, ázirshe Ortalyq Azııada ondaı baılanys baıqalmaıdy", - dep atap kórsetti Baıǵarın.
