Ortalyq Azııa elderi muzdyqtarǵa birlesip monıtorıng júrgizbek

ASTANA. QazAqparat – Ortalyq Azııadaǵy búkil muzdyqtardy monıtorıngteýge jáne modeldeýge arnalǵan ortaq qujat ázirnelenedi. Premer-Mınıstrdiń birinshi orynbasary Roman Sklıar Májilis depýtattarynyń Aral problemasyna aranlǵan saýalyna bergen jaýabynda osnydaı málimet kelitirlgen, habarlaıdy QazAqparat tilshisi.

«Jasyl Ortalyq Azııa» bastamasynyń aıasynda Ortalyq Azııadaǵy búkil muzdyqtardy monıtorıngteýge jáne modeldeýge arnalǵan ortaq qujat ázirleý josparlanyp otyr. Sondaı-aq, «Ortalyq Azııadaǵy klımat syn-qaterlerin basqarý» jobasyn iske asyrý kózdelgen. Bul joba ulttyq deńgeıde bektiilgen ornyqty damý maqsattarynyń klımattyń ózgerýine beıimdelý, beıbitishilik jáne qaýipsizdik baǵyttarynda bekitilgen kórsetkishterine qol jetkizýge yqpal etedi», - dep jazady Úkimet basshysynyń birinshi orynbasary.

Sondaı-aq, ol QR Ekologııa jáne tabıǵı resýrstar mınıstrligi men Halyqaralyq áriptestik jónindegi Germanııa qoǵamy arasynda óńirlik baǵdarlamany iske asyrý týraly kelisimshartqa qol qoıylatynyn aıtady.

«Odan bólek BUU-nyń Klımattyń ózgerý jónindegi negizdemelik konventsııasy taraptarynyń 27- konferentsııasynda Ortalyq Azııa úkimetteriniń atynan «Ortalyq Azııa úni» atty óńirlik málimdemesi jarııalandy. Ol málimdemede óńirdegi klımattyq ózgeristerdiń ortaq problemalary baıandalyp, klımat ózgerisne beıimdelý jáne ony jeńildetý baǵytyndaǵy qadamdar usynyldy», - dep jazylǵan jaýapta.