Ortalyq Azııa elderi men Qytaı basshylarynyń kezdesýi tarıhı sıpatqa ıe – sarapshy

BІShKEK. QazAqparat – Bishkekte qyrǵyzstandyq sarapshylardyń qatysýymen Qytaıdyń Ortalyq Azııa elderimen yntymaqtastyqty nyǵaıtý perspektıvalary talqylanǵan kezdesý ótti. Atalǵan shara 18-19 mamyrda Sıan qalasynda ótetin «Qytaı - Ortalyq Azııa» sammıtine oraı uıymdastyryldy, dep habarlaıdy QazAqparat tilshisi.

Qyrǵyzstandyq belgili saıasattanýshy Baqyt Baketaev óz baıandamasynda álem elderi búginde Shyǵysqa bet buryp, Qytaı saıasatyn zerdelep jatqanyn atap ótti. Onyń pikirinshe, qazir «5+1» formatyndaǵy kezdesýlerdi ótkizetin shaq týdy.

«Ortalyq Azııadaǵy bes memleketiniń birigýi Qytaımen ózara yntymaqtastyqty jańa deńgeıge shyǵarýǵa múmkindik beredi. Ortalyq Azııa elderiniń qarym-qatynasy saıası-ekonomıkalyq, mádenı jáne basqa da salalardyń ıntegratsııasyna tyń serpin berýi yqtımal», - dep pikir bildirdi saıasattanýshy.

Atalǵan taqyrypty talqylaý barysynda sarapshy Edıl Marlısýýlý Ortalyq Azııanyń eki iri ekonomıkasy sanalatyn Qazaqstan men Ózbekstanǵa erekshe toqtaldy. Ol Qytaımen tıimdi yntymaqtastyq ornatýda úlken úles qosyp kele jatqan Qazaqstan Prezıdenti Qasym-Jomart Toqaev pen Ózbekstan Prezıdenti Shavkat Mırzıeevtiń júıeli saıasatyn, mańyzdy rólin atap ótti.

Al saıasattanýshy Mars Sarıevtiń pikirinshe, Sıan qalasynda ótetin Ortalyq Azııa elderi jáne Qytaı basshylarynyń kezdesýi tarıhı sıpatqa ıe bolady jáne ol bútin álemde saıası kartınanyń ózgergenin aıǵaqtamaq.

«Qytaı – Ortalyq Azııa» yntymaqtastyǵynyń jańa formaty damý úrdisine bet alǵanyn qalaımyn», - dedi sarapshy Mars Sarıev.

Óz kezeginde qyrǵyzstandyq saıasattanýshy Denıs Berdakov «Qytaı – Ortalyq Azııa» formaty óńirdegi barlyq elderdiń birigýine múmkindik týǵyzady dep pikir qosty. Aıtýynsha, kezdesý formaty №2 Uly Jibek jolyn qurý boıynsha ekinshi qadam bolyp otyr.

Eske salaıyq, QR Prezıdenti Qasym-Jomart Toqaev 17-19 mamyrda Qytaıǵa memlekettik saparmen barady.