Ortalyq Azııa elderi ekonomıkada pandemııaǵa deıingi kórsetkishke qashan jetedi

BІShKEK. QazAqparat – Ortalyq Azııa elderi ekonomıkanyń pandemııaǵa deıingi kórsetkishine 2021-2022 jyldary jetedi. Bul týraly Bishkekte «Eýropalyq Odaq – Ortalyq Azııa» ekonomıkalyq forýmynda QR Úkimet basshysy Asqar Mamın málim etti, dep habarlaıdy QazAqparat tilshisi.

«Eýropalyq Odaq úlesine Ortalyq Azııa syrtqy saýdasynyń jalpy kóleminiń 30 paıyzdan astamy tıesili. Osy oraıda EO mańyzdy ári turaqty ekonomıkalyq seriktesi bolyp otyr», - dedi Asqar Mamın.

Onyń aıtýynsha, Bishkektegi búgingi kezdesý ózekti bolyp tur.

«Búgingi forým álemdik ekonomıkanyń júıeli qalpyna kelýi men onyń postpandemııalyq kún tártibine kóshýi turǵysynda qosymsha ózektilikke ıe bolyp otyr. Halyqaralyq valıýta qorynyń sońǵy baǵalaýy boıynsha Ortalyq Azııanyń barlyq elderi pandemııaǵa deıingi kórsetkishke 2021-2022 jyldary jetedi», - dedi Úkimet basshysy.

Budan buryn habarlanǵandaı, búgin Bishkekte Premer-Mınıstrler deńgeıinde «Eýropalyq Odaq – Ortalyq Azııa» ekonomıkalyq forýmy bastaldy.

Asqar Mamın sońǵy 10 jylda Eýropalyq odaqqa múshe elder óńirge 110 mlrd eýrodan astam ınvestıtsııa salǵanyn jetkizdi.