Ortalyq Azııa elderi basshylarynyń kelesi kezdesýi Tashkentte ótedi

ASTANA. QazAqparat - Ortalyq Azııa elderi basshylarynyń kelesi jumys kezdesýi 2019 jyldyń naýryzynda Ózbekstanda ótedi. Bul týraly búgin Aqordada ótken Ortalyq Azııa elderi basshylarynyń jumys (konsýltatıvtik) kezdesýi qorytyndysyna oraı BAQ ókilderine arnalǵan baspasóz máslıhatynda Qazaqstan Prezıdenti Nursultan Nazarbaev aıtty, dep habarlaıdy QazAqparat.

«Kelesi kezdesý kelesi jyly, Naýryz qarsańynda Tashkentte ótedi. Biz kezek-kezekpen árbir astanada kezdesip otyrýǵa ýaǵdalastyq. Naýryz bizdiń meıramymyz jáne sımvoldyq máni bar. Biz bir-birimizdi quttyqtaıtyn bolamyz», - dedi Elbasy.

Sonymen qatar Nursultan Nazarbaev jumys kezdesý barysynda mádenı-gýmanıtarlyq baılanystarǵa da aıryqsha nazar aýdarylǵanyn basa aıtty.

«Bul baǵyttaǵy yntymaqtastyqty odan ary arttyra túsý qajet. Keńes zamanynda atalǵan baılanys turalap qalǵan bolatyn. Ony qaıta qalpyna keltirý qajet. Ortalyq Azııa elderi mádenıetiniń festıvalin, jastar kezdesýin, sporttyq kezdesýlerdi,  stýdentter almasýyn, óńirdegi týrızmdi damytý qajet. Osy jıynda bul máselelerdiń barlyǵyn talqyladyq jáne naqty jumys bolady dep senemin», - dedi QR Prezıdenti.

foto:photosight.ru