Ortalyq Azııa basshylarynyń Konsýltatıvtik kezdesýinen ne kútemiz – ózbek sarapshysy aıtyp berdi
«Kópjyldyq úzilisten keıin byltyr Ortalyq Azııa memleketteriniń basshylary Nur-Sultanda alǵashqy Konsýltatıvtik kezdesýde bas qosty. Osynyń ózi mańyzy zor oqıǵa boldy. Óıtkeni 2005-206 jyldardan beri óńirdegi ıntegratsııalyq protsester toqtap qalǵan edi. Degenmen bul kezdesý keńesý sıpatyna ıe, ol qordalanǵan óńirlik máseleler jaıly pikir almasýǵa jáne ortaq dıalog qurýǵa qyzmet etedi», - deıdi F. Talıpov.
Sarapshy Ortalyq Azııa dıalogyn ınstıtýtqa aınaldyrý protsesin bastaý, ıaǵnı konsýltatıvtik kezdesýler formatynan tolyqqandy resmı sammıtterge kóshý qajettigin aıtty.
«Konsýltatıvtik kezdesýler damýy tıis. Osy turǵydan alǵanda, Ortalyq Azııa elderiniń basshylary 2005 jyly toqtap qalǵan Ortalyq Azııa yntymaqtastyǵynyń qyzmetin jandandyrý máselesin qozǵaǵany jón bolýshy edi. Menińshe, mundaı qurylymdy jandandyrýdyń óńirdegi barlyq el úshin strategııalyq mańyzy zor», - dedi sarapshy.
Eske sala keteıik, Ortalyq Azııa elderi basshylarynyń alǵashqy Konsýltatıvtik kezdesýi 2018 jyldyń naýryzynda Nur-Sultan qalasynda ótken. Ekinshi kezdesý 29 qarasha kúni Tashkentte ótedi.
Avtory Mıras Qýandykov
