Ortalyq attestatsııa komıssııasy Qaraǵandy oblysy ІІO-nyń 214 qyzmetkerin emtıhannan ótkizedi
QARAǴANDY. 29 maýsym. QazAqparat - Qaraǵandy oblysy ishki ister organnyń 214 qyzmetkeri Ortalyq attestatsııa komıssııasynda kezekten tys attestatsııadan ótýde.
Bul týraly oblystyq ІІD-niń baspasóz qyzmeti habarlady.
«Kezekten tys attestatsııadan ótetinder - ІІD qyzmet apparatynyń basshylyǵy, aýmaqtyq ІІO-nyń basshylary, esirtki bıznesimen kúres jáne jeke qaýipsizdik basqarmasynyń qyzmetkerleri. Sondaı-aq B. Beısenov atyndaǵy QR ІІM Qaraǵandy akademııasy basshylyǵynyń quramy, Qylmystyq atqarý júıesi komıteti túzeý mekemeleriniń jetekshileri, Qaraǵandy jáne Jezqazǵan mamandandyrylǵan kúzet qyzmet basqarmasynyń basshylary, áskerı-tergeý basqarmasynyń jáne ishki ister júıeleri bóliminiń qyzmetkerleri kezekten tys attestatsııadan ótedi», - dep habarlady oblystyq ІІD-niń baspasóz qyzmeti.
Vedomstvonyń bergen aqparatyna zer salsaq, qazirgi ýaqytta attestatsııadan ótetinder kompıýterlik jáne psıhologııalyq testileýden ótti. Testileý Qaraǵandynyń medıtsınalyq akademııasynda ótýde.
«Qazirgi ýaqytta dene shynyqtyrý daıyndyǵy boıynsha synaq tapsyrylýda. Osydan keıin, 2-5 shilde aralyǵynda QR Іshki ister mınıstriniń orynbarasy Erlik Kenebaevtyń tóraǵalyǵymen Ortalyq attestatatsııa komıssııasynda áńgimelesý ótedi. Eń sońynda komıssııa kim qyzmetin ári qaraı jalǵastyratynyn sheshedi», - delingen habarlamada.
