Ortalyq áskerı orkestrdiń 73 múshesi óz erkimen jumystan ketti
ASTANA. 12 sáýir. QazAqparat - Astanaǵa kóshkisi kelmegen Ortalyq áskerı orkestrdiń 73 múshesi óz erkimen jumystan ketti. Bul týraly búgin Astanada ótken baspasóz máslıhatynda QR Qorǵanys mınıstrliginiń resmı ókili Sáýle Smaǵulova málim etti.
«Dál qazirgi ýaqytta Ortalyq áskerı orkestrdiń quramyna kiretin 90 adamnyń 17-si Astanaǵa kóship keldi. Olardyń 4-eýi jasyna baılanysty jumystan ketse, 2-eýi densaýlyqqa jáne kelisimsharttyń aıaqtalýyna oraı óz qyzmetinen bosatyldy. Al orkestrdiń qalǵan 11 múshesi qaldy. Olardyń bárine Astanadan baspana berildi. Mýzykanttardyń basym bóligi - 73 adam óz erkimen jumystan ketti. Negizgi sebep - otbasy jaǵdaıy, ıaǵnı olar Astanaǵa kóshkisi kelmegen. Qazirgi kezde Ortalyq áskerı orkestrdiń jańa quramy jasaqtalyp jatyr», - deıdi S.Smaǵulova.
