Ortalyq apparatynyń áskerıleri eki kún dalalyq jaǵdaıda basqarýdy qolǵa aldy (FOTO)
Alǵash ret Ortalyq apparattyń áskerı qyzmetshileri jınalǵannan keıin Astana qalasyndaǵy áskerı bólimderdiń biriniń mańynda daıyndalǵan dalalyq lagerge jol tartty.
«Búgingi is-shara strategııalyq deńgeıdegi basqarý organdaryn daıarlaýdyń quramdy bóligi bolyp tabylady. Sondyqtan «Aıbalta - 2016» oqý-jattyǵýy fonynda bizge áskerlerdi basqarý máselelerin shynaıy pysyqtaýǵa týra keledi. Qorǵanys mınıstrligi men Bas shtaby jeke quramynyń dalalyq jaǵdaıda ótkizý merzimi kezdeısoq tańdalǵan joq. Ortalyq apparattyń jeke quramymen balamaly sabaqtardy jazǵy oqytý kezeńinde de uıymdastyrý kerek. Eń bastysy, basqarý pýnktterin óristetý aýdanyn áskerı bólimderdiń ornalasý pýnktterinen tys tańdaý qajet», - dedi QR Qorǵanys mınıstri Imanǵalı Tasmaǵambetov.
Jeke quram dalalyq jaǵdaıda jumys jasaıdy. Jumysqa áýe jáne temirjol basqarý pýnktteri daıyndaldy. Jaýyngerlikke jaqyndatylǵan jaǵdaıda QR Qorǵanys mınıstrligi men QR QK Bas shtaby ortalyq apparatynyń áskerı qyzmetshileri oqý toptarynda is-qımyldardy pysyqtaýda.
83205 áskerı bóliminiń áskerı qyzmetshileri bólim komandıriniń basshylyq etýimen jylýy bar palatkalar ornatty. Dalalyq qalashyqta áskerı qyzmetshilerdiń tamaqtanýyn uıymdastyrý úshin barlyq qajetti jaǵdaı jasalǵan, sondaı-aq sanıtarlyq keshen bar.
