Ortalyq Amerıkadaǵy sý tasqyny 80 adamnyń ómirin qıyp ketti
ASTANA. 17 qazan. QazAqparat - Ortalyq Amerıkadaǵy nóser jańbyrdyń saldarynan sý tasqyny men topyraq jynysy yǵysýynyń netıjesinde qaza bolǵandar sany 80 adamǵa jetti, dep habarlady jergilikti ókimet oryndary.
Ásirese Salvadorda eń kóp - 32 adam qurban boldy. Olardyń kópshiligi óz úılerinen shyǵa almaı kóz jumǵan. Gvatemalada qaza bolǵandardyń sany - 29 adamǵa, Gondýrasta - 13-ke, Nıkaragýada - 8 adamǵa jetti, dep habarlaıdy Bı-Bı-Sı-diń orys qyzmeti. Tabıǵat apaty basty qalalardy jalǵastyratyn avtojoldardy shaıyp ketti.
