Ortalyq alańda es-tússiz jatqan qyzdy qutqarýshylar aman alyp qaldy – Qyzylorda

QYZYLORDA. QazAqparat - Qyzylordada qutqarýshylar ortalyq alańda es-tússiz talyp qalǵan boıjetkendi ajaldan aman alyp qaldy, dep habarlaıdy QazAqparat tilshisi.

Oqıǵa 23 jeltoqsanda boldy. Sol sátte oblystyq tótenshe jaǵdaılar departamenti órt sóndirý qyzmetiniń mamandary ortalyq alańdaǵy jańajyldyq shyrshaǵa kúsheıtilgen kezekshilikte turǵan edi.

«Qutqarýshylar atalǵan aýmaqta es-tússiz talyp jatqan 19 jastaǵy boıjetkendi baıqaıdy. Dereý onyń qasyna barǵan órt sóndirý qyzmetiniń bastyǵy, azamattyq qorǵaý podpolkovnıgi Nursultan Ibragımov dereý áreketke kirisip, alǵashqy medıtsınalyq kómek kórsetti. Qyz bala epılepsııa boıynsha esepte turatyn naýqas bolyp shyqty. Odan keıin naýqas jedel járdem brıgadasy dárigerleriniń baqylaýyna berildi», - dep málim etti Qyzylorda oblysy Tótenshe jaǵdaılar departamentiniń Órt sóndirý jáne avarııalyq qutqarý jumystary qyzmetinen.