Ortalyq jáne Shyǵys Eýropada oqyp jatqan stýdentterge eskertý jasaldy

ASTANA. KAZINFORM - Ortalyq jáne Shyǵys Eýropada «Borıs» daýylynyń saldarynan týyndaǵan qolaısyz aýa raıy jaǵdaıyna baılanysty Halyqaralyq baǵdarlamalar ortalyǵy atalǵan aımaqta bilim alyp jatqan stıpendıattarmen tyǵyz baılanysta bolyp, jaǵdaıdy muqııat qadaǵalaýda.

Bul týraly «Halyqaralyq baǵdarlamalar ortalyǵy» AQ baspasóz qyzmetinen hbarlandy.

Daýyl Polsha, Chehııa, Avstrııa, Slovakııa jáne Vengrııa elderin qamtydy — bul elderde «Bolashaq» baǵdarlamasy jáne ǵylymı taǵylymdamalar aıasynda Qazaqstannyń 15 azamaty oqyp júr.

Barlyq stıpendıattarǵa qaýipsizdik sharalary týraly eskertildi jáne olar jergilikti bıliktiń usynystaryna sáıkes áreket etýde. Qazirgi ýaqytta stıpendıattarymyz arasynda zardap shekkender týraly aqparat joq.

«Stıpendıattarymyzdy barlyq saqtyq sharalaryn saqtaýǵa jáne óz qaýipsizdigińiz úshin baılanysta bolýǵa shaqyramyz»,-delingen habarlamada.