Ortalyq Vetnamda kóshkin júrip, úsh adam iz-túzsiz joǵalyp ketti
ASTANA. KAZINFORM – Vetnamnyń ortalyq bóligindegi Danang qalasynda juma kúni kóshkin júrip, 3 adam iz-túzsiz joǵalyp ketti. Qazirgi tańda olardy izdeý jumystary júrgizilip jatyr. Bul týraly Vetnam aqparat agenttiginen málim boldy, dep habarlaıdy Sınhýa.
Juma kúni tań ata kóshkin júrgen kezde 3 adam dalada jumys istep jatqan, úsheýi de iz-túzsiz ketkender qatarynda.
Kóshkinniń júrýine Hýng Son kommýnasyndaǵy tóbede topyraq, tas pen jerasty sýlarynyń uzaq ýaqyttan beri jınalyp qalýy sebep bolǵan.
Jergilikti Tien Phong basylymynyń habarlaýynsha, tóbeniń bir bóligi qulap, fermerlerdiń bes úıi men joldyń 200 metrdeı bóligin basyp qalǵan.
Jergilikti bıliktiń málimetterine qaraǵanda, qyrkúıek aıynyń sońynan beri úzdiksiz jaýǵan jaýyn men sý tasqyny kommýnanyń kóptegen aýdandarynda kóshkinniń júrýine sebep bolǵan.
Qaýip tónip turǵan jeti aýdannyń turǵyndary qaýipsiz jerge kóshirildi.
Osyǵan deıin Vetnamda sý tasqynynan 37 adam qaza tapqany týraly jazdyq.