Ortalyq saılaý komıssııasy alǵashqy partııanyń tizimin tirkedi
ASTANA. KAZINFORM — Búgin Quryltaı depýtattaryn saılaý naýqany aıasynda saıası partııanyń partııalyq tizimderin tirkeý máseleleri boıynsha QR Ortalyq saılaý komıssııasynyń otyrysy ótti.
Onda Ortalyq saılaý komıssııasy Respublica partııasynyń 75 kandıdattan turatyn partııalyq tizimin tirkeý týraly qaýly qabyldady. Komıssııa tóraǵasy Nurlan Ábdirov qujat mátinin oqydy.
– Birinshi, Respublica partııasy qoǵamdyq birlestiginiń partııalyq tizimi osy qaýlyǵa 1-qosymshaǵa sáıkes tirkelsin.
Ekinshi, Respublica partııasy qoǵamdyq birlestiginiń partııalyq tizimi boıynsha tirkelgen QR Quryltaıynyń depýtattyǵyna kandıdattarǵa kýálikter berilsin.
Úshinshi, QR Ortalyq saılaý komıssııasynyń apparaty «Qazaqstan Halyq jınaq banki» aktsıonerlik qoǵamyna arnaýly ýaqytsha shot ashý úshin Respublica partııasy qoǵamdyq birlestiginiń partııalyq tiziminiń tirkelgeni týraly málimetterdi usynsyn.
Tórtinshi, Respublica partııasy qoǵamdyq birlestiginiń partııalyq tiziminiń tirkelgeni týraly habar osy qaýlyǵa 2-qosymshaǵa sáıkes buqaralyq aqparat quraldarynda jáne QR Ortalyq saılaý komıssııasynyń ınternet-resýrsynda jarııalansyn.
Besinshi, Respublica partııasy qoǵamdyq birlestiginiń ataýy saılaý bıýlletenine engizilsin, – dedi ol.
Aıta keteıik, buǵan deıin «Respublica» partııasy tóraǵasy Aıdarbek Qojanazarovtyń ókilettigi úsh jylǵa uzartylǵanyn jazǵanbyz.
