Ortalyq referendým komıssııasy jańa Konstıtýtsııa qabyldandy dep tanydy

ASTANA. KAZINFORM — Ortalyq referendým komıssııasy jańa Konstıtýtsııa qabyldandy dep tanydy. Bul týraly atalǵan komıssııa tóraǵasy Nurlan Ábdirov málim etti.

— Respýblıkalyq referendým týraly kostıtýtsııalyq zańnamanyń normalaryna sáıkes, eger referendýmǵa qatysý quqyǵy bar azamattardyń jartysynan kóbi daýys berýge qatysqan bolsa, referendým ótkizilgen dep sanalady. Respýblıkalyq referendýmǵa shyǵarylǵan másele boıynsha, atap aıtqanda jańa Konstıtýtsııany qabyldaý boıynsha sheshim eger ony jaqtap oblystardyń, respýblıkalyq mańyzy bar qalalardyń jáne astananyń úshten ekisinde daýys berýge qatysqan azamattardyń jartysynan astamy jaqtap daýys berse, qabyldandy dep eseptelinedi, — dedi ol.

Osy oraıda komıssııa tóraǵasy ár óńirde osy sheshimdi jaqtap azamattardyń basym kópshiligi daýys bergenin aıtty.

— Osylaısha, Respýblıkalyq referendým týraly zańnamadaǵy eldiń 20 óńiriniń úshten ekisinde daýys berýge qatysqan azamattardyń jartysynan astamynyń oń sheshimdi jaqtap daýys berýi týraly talap saqtaldy. Sondyqta jańa Konstıtýtsııa qabyldandy dep tanylady, — dedi Nurlan Ábdirov.

Buǵan deıin Ortalyq referendým komıssııasy 15 naýryzda ótken jańa Konstıtýtsııa jobasyna qatysty referendýmnyń túpkilikti qorytyndysyn shyǵarǵan edi.