Ortalyq referendým komıssııasy 21 sheteldik baıqaýshyny akkredıttedi

ASTANA. KAZINFORM — Búgin Ortalyq referendým komıssııasynyń otyrysynda 21 sheteldik baıqaýshyny akkredıttedi.

— Syrtqy ister mınıstrligi referendýmdy baıqaýǵa qatysý úshin birqatar halyqaralyq uıymǵa tıisti shaqyrý jibergen bolatyn. Sonymen qatar ekijaqty negizde Ortalyq referendým komıssııasy 30-dan astam shet memlekettiń Ortalyq saılaý komıssııasyna shaqyrý jiberdi. Búgingi tańda Ortalyq referendým komıssııasyna Syrtqy ister mınıstrliginen 3 halyqaralyq uıym jáne 5 shet memleketten 21 baıqaýshyny akkredıtatsııadan ótkizý úshin usynyldy. Atap aıtqanda, Ázerbaıjannan — 2, Qyrǵyz Respýblıkasynan — 2, Palestına memleketinen — 1, Tájikstannan — 1, Taıland koroldiginen — 1, TMD baıqaýshylary mıssııasynan -7, Azııadaǵy ózara is-qımyl jne senim sharalary keńesinen — 6, Túrki akademııasynan — 1 baıqaýshy, — dedi komıssııa tóraǵasynyń orynbasary Muhtar Erman.

Sonymen qatar ol sheteldikterdi akkredıtatsııadan ótkizý úshin usynystardyń kelip túsýine qaraı baıqaýshylar týraly derek jańartylyp otyratynyn atap ótti.

Buǵan deıin elimizdiń Syrtqy ister mınıstrligi Ýkraına men Efıopııada referendým ýchaskelerin ashpaý týraly sheshim qabyldaǵan edi.