Ortalyq meshit ishinde qyzǵa tıisken aqtóbelik jazalandy

AQTÓBE. KAZINFORM — Sot qaýlysymen 42 jastaǵy er adam 5 táýlikke qamaldy.

Aqtóbe qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda Talǵat Ahmetovke qatysty is qaraldy.

Іs Ákimshilik quqyqbuzýshylyq týraly kodekstiń 449-babynyń 2-bóligi boıynsha qozǵaldy.

Sotta T.Ahmetovtiń buǵan deıin de ákimshilik jaýapqa tartylǵany, soǵan qaramastan 24 shilde kúni saǵat 17:30–da «Nur ǵasyr» meshitiniń kire berisinde, ıaǵnı qoǵamdyq orynda ózi tanymaıtyn qyzǵa seksýaldyq sıpattaǵy usynys jasap, mazalaǵany týraly aıtyldy.

T.Ahmetov sot otyrysynda kinásin ishinara ǵana moıyndady. 

— Talǵat Ahmetov QR Ákimshilik quqyq buzýshylyq týraly kodeksiniń 449-babynyń 2-bóligimen kináli dep tanylsyn, oǵan 5 táýlikke ákimshilik qamaqqa alý jazasy qoldanylsyn. Ákimshilik qamaqqa alý merzimi 2025 jylǵy 29 shildeden bastap eseptelinsin, — dedi sýdıa A.Bısenalına.

Eske salsaq, Aqtóbe turǵyny ortalyq meshitke baryp, esik aldynda ózin bógep turǵan er adam týraly jazdy. Keıin bul oqıǵa kópshilik arasynda keń tarap, talqyǵa tústi. Aqtóbe oblystyq polıtsııa departamentiniń qyzmetkerleri jedel-izdestirý sharalaryn júrgizdi. Er adamnyń kim ekenin anyqtap, ákimshilik hattama toltyrdy.