Ortalyq memlekettik organdar arasyndaǵy respýblıkalyq Spartakıada resmı ashyldy
ASTANA. KAZINFORM – Jaqsylyq Úshkempirov atyndaǵy Jekpe-jek saraıynda ortalyq memlekettik respýblıkalyq Spartakıadanyń ashylý saltanaty ótti.
Týrızm jáne sport mınıstrligi málimetinshe, bıylǵy básekede 26 memlekettik mekemeniń qyzmetkerleri júldege talasyp jatyr.
– Bul jarystyń basty maqsaty - sport arqyly ujymdyq rýhty nyǵaıtý, salaýatty ómir saltyn dáripteý jáne memlekettik qyzmetkerler arasyndaǵy dostyq pen syılastyqty arttyrý. Bıylǵy dodada 20-dan astam komandadan 1000-ǵa jýyq qatysýshy ózara myqtyny anyqtaıdy. Barlyqtaryńyzǵa sáttilik, ádil báseke jáne jarasymdy jeńister tileımin, - dedi QR TSM Sport jáne dene shynyqtyrý isteri komıtetiniń tóraǵasy Rýslan Esenalın.
Saıysqa qatysýshylar 4-7 qyrkúıek aralyǵynda voleıbol, fýtzal, qazaq kúresi, ústel tennısi, qol kúres, toǵyzqumalaq, shahmat, 3h3 basketboldan synǵa túsedi.
Buǵan deıin QR Týrızm jáne sport vıtse-mınıstri Serik Jarasbaev Qazaqstandaǵy para hokkeı sportynyń damýy jaıly aıtqan bolatyn.