Ortalyq Qazaqstanda Prjevalskıı jylqysynyń alǵashqy qulyny dúnıege keldi

Ekologııa jáne tabıǵı resýrstar mınıstrliginiń habarlaýynsha, bul — halyqaralyq reıntrodýktsııa baǵdarlamasy aıasynda Qazaqstanǵa ákelingen jylqylardan alynǵan alǵashqy tól.

Erkek qulyn týǵannan keıin kóp uzamaı ózdiginen aıaǵyna turyp, enesiniń sońynan erip, sútin eme bastaǵan. Mamandardyń baqylaýy boıynsha, ekeýiniń de jaǵdaıy jaqsy.

Qulynnyń enesi — 2024 jyly Berlın Tırparkinen Qazaqstanǵa jetkizilgen jeti jasar Tessa. Bul — onyń alǵashqy tóli.

— Alǵashqy qulynnyń dúnıege kelýi janýarlardyń Qazaqstan dalasynyń tabıǵı jaǵdaılaryna sátti beıimdelip jatqanyn kórsetetin mańyzdy nátıje. Baǵdarlamanyń túpki maqsaty — tabıǵı ortada ózdiginen kóbeıe alatyn Prjevalskıı jylqysynyń turaqty popýlıatsııasyn qalyptastyrý, — delingen habarlamada.

Prjevalskıı jylqysyn Qazaqstanǵa qaıtarý baǵdarlamasy 2024 jyly bastaldy. 2024 jyly 7, 2025 jyly taǵy 7, al 2026 jyly 8 jylqy jetkizildi. 2029 jylǵa deıin Qazaqstanǵa shamamen 40 jylqy ákelý josparlanyp otyr.

Eske salaıyq, buǵan deıin Dúnıejúzilik qorshaǵan ortany qorǵaý kúninde Qazaqstanǵa «Tırpark Berlın» haıýanattar baǵynan (Germanııa Federatıvtik Respýblıkasy) Prjevalskıı jylqylarynyń ekinshi toby jetkizilgenin habarlaǵanbyz.