Ortalyq Eýropada turǵyn úıdi jalǵa alý baǵasy kóterilip keledi

ASTANA. KAZINFORM — Ortalyq Eýropa elderinde turǵyn úıdi jalǵa alý quny ótken aıda jyldyq kórsetkish boıynsha ortasha eseppen 7,6 paıyzǵa artty, al aılyq ósim shamamen 1 paıyzǵa jýyqtady, dep jazady AZERTADJ.

Bul týraly Budapest Business Journal basylymy habarlady.

Slovakııa astanasy Bratıslavada jaldaý aqysy 8,6 paıyzǵa artqan.

Chehııa astanasy Pragada ortasha aılyq jaldaý aqysy 680 eýrony qurady.

Majarstanda turǵyn úıdi jalǵa alý baǵasy bir aıda el boıynsha 0,9 paıyzǵa, al Býdapeshtte 1,3 paıyzǵa ósken. Eldiń basqa qalalarynda jaǵdaı ártúrli: eldegi ekinshi iri qala – Debretsende ortasha aılyq jaldaý aqysy 225 000 forıntti (1 eýro = 402 forınt) qurady. Seged, Pech jáne Der sııaqty aımaqtyq ortalyqtarda bul kórsetkish 160 000–190 000 forınt aralyǵynda boldy.

Buǵan deıin Eýropa elderi AQSh ákimshiliginiń Halyqaralyq qylmystyq sottyń (HQS) apellıatsııalyq palatasynyń tórt sýdıasyna jańa sanktsııalar engizý týraly sheshimine baılanysty Halyqaralyq sotqa qoldaý bildirgenin jazdyq.