Ortalyq depozıtarıı klıentterdi reseılik baǵaly qaǵazdardy shyǵaryp alýǵa shaqyrdy

ASTANA. KAZINFORM – «Ortalyq baǵaly qaǵazdar depozıtarııi» AQ óz klıentterine reseılik baǵaly qaǵazdardy aınalymnan shyǵarýǵa shaqyrǵan hattar jiberdi. Uıym basshylyǵy mundaı qadamdy AQSh-tyń Ulttyq esep aıyrysý depozıtarııine qarsy bloktaý sanktsııasynyń engizilýimen baılanystyryp otyr.

Ortalyq depozıtarıı taratqan aqparatqa súıensek, áńgime NSD esebindegi RU ISIN kody bar birqatar baǵaly qaǵazdarǵa qatysty.

«Ortalyq depozıtarııdiń hatynda 2024 jyldyń 10 tamyzyna deıingi merzim kórsetilgen. Bul merzim Ortalyq depozıtarııdiń ózi klıentterden nusqaýlardy qabyldaý jáne óńdeý úshin ýaqytty talap etetindikten belgilenip otyr, - delingen Ortalyq depozıtarııdiń habarlamasynda.

Klıentterge 2024 jyldyń 10 tamyzynan keıin RU ISIN kody bar baǵaly qaǵazdarǵa tapsyrystardy oryndaýda shekteýler men qıyndyqtar týyndaýy múmkin ekeni eskertilgen.

Klıentterdiń nusqaýlaryn óńdeý kezinde Ortalyq depozıtarıı olardyń oryndalý múmkindigin salynǵan bloktaý sanktsııalarynyń nátıjesinde týyndaýy múmkin táýekelder men saldarlardy baǵalaý turǵysynan qaraıtyn bolady.