Ortalyq-Batys dálizindegi naqty jumystar 1 naýryzda bastalady – QazAvtoJol
ASTANA. KAZINFORM – «QazAvtoJol» ulttyq kompanııasy» aktsıonerlik qoǵamynyń basqarma tóraǵasy Darhan Imanashev Ortalyq-Batys jolynyń qurylysy naqty qashan bastalatynyn aıtty.
- Ortalyq-Batys baǵyty boıynsha jumys tolyq atqarylyp jatyr. Prezıdent tapsyrma bergenin bilesizder. Merdiger kompanııa Arqalyqtyń boıynda jumysshylar qalashyǵyn qurdy. Jospar boıynsha ákimdiktermen jol kartasyna qol qoıdyq. Olardyń mindeti – jer máselesin, elektr togymen qamtamasyz etý máselesin sheshý, - dedi kompanııa basshysy ortalyq kommýnıkatsııalar qyzmetinde ótken baspasóz máslıhatynda.
Sondaı-aq, ol ulttyq kompanııa merdigerge tas pen qum karerlerin ıgerý máselesinde kómek kórsetetinin aıtty.
- Osy qysta osy máselelerdi tolyq sheshýimiz kerek. Ony sheshkennen keıin 1 naýryzdan jumys tolyq bastalady. Qazir qarjylandyrý ınstıtýttarymen jumys istep jatyrmyz. Olarǵa ekonomıkalyq esepti usynýymyz kerek. Ol esep memlekettik saraptama jatyr. Oǵan deıin daıyndyq jumystaryn tolyq aıaqtaýymyz kerek. Sebebi jer máselesin, karer máselesin sheshpeı qurylysty bastaı almaımyz, - dedi «QazAvtoJol» basshysy.
Eske salsaq, Prezıdent Qasym-Jomart Toqaev «Ortalyq-Batys» avtokólik dálizin jyldamdatyp salyp bitirýdi tapsyrǵan edi.
