Ortalyq Azııanyń álemdik saıasattaǵy salmaǵy arta tústi— ózbekstandyq sarapshy

TAShKENT. KAZINFORM — Bıyl 3-4 sáýir aralyǵynda Samarqan qalasynda Eýroodaq pen Ortalyq Azııa elderiniń alǵashqy sammıti ótedi, dep habarlaıdy Kazinform agenttiginiń menshikti tilshisi.

Josparlanyp otyrǵan joǵary deńgeıdegi kelissózderdiń mańyzy men taraptardyń keleshek yntymaqtastyǵyna qatysty Ortalyq Azııa halyqaralyq ınstıtýty dırektorynyń keńesshisi, Ózbekstannyń burynǵy Syrtqy ister mınıstri Saıdmýhtor Saıdkasymov pikir bildirdi.

Onyń aıtýynsha, qazirgi ýaqytta óńir memleketteriniń álemdik saıasattaǵy róli aýqymdy. Buǵan «Ortalyq Azııa+» formatyndaǵy kezdesýlerdiń jıi uıymdastyrylýy aıǵaq. ıAǵnı, OA elderimen yntymaqtastyqty tereńdetýge nıetti elderdiń qatary artyp keledi.

— Búginde memleket basshylarynyń birlesken jumysy men yntymaqtastyǵynyń nátıjesinde Ortalyq Azııanyń álemdik arenadaǵy saıaı-ekonomıkalyq salmaǵy arta tústi. Bizdiń pikirimizben alpaýyt derjavalar sanasatyn dárejege jettik, — dedi Saıdmýhtor Saıdkasymov Kazinform tilshisiniń saýalyna jaýap bere otyryp.

Spıkerdiń paıymynsha, eýroaımaq elderi Ortalyq Azııa memleketterimen aradaǵy jan-jaqty qarym-qatynasty jańa deńgeıge shyǵarýǵa kúsh salyp keledi. Onyń ishinde strategııalyq shıkizat, tsıfrlyq transformatsııa men energetıka salalaryndaǵy baılanystardy nyǵaıtý sammıtke qatysýshy taraptardyń eldik múddesine saı keledi.

— Aımaq memleketteriniń syrtqy saıasaty barlyq saladaǵy baılanystardy ilgeriletýge baǵyttalyp otyr. Osy oraıda, «Ortalyq Azııa — Eýroodaq» sammıti yntymaqtastyqtyń barlyq baǵytyn qamtıdy. Ásirese, áleýmettik-ekonomıkalyq jáne saıası, mádenı-gýmanıtarlyq baılanystardy nyǵaıtý úshin qajet, — dep toqtaldy S. Saıdkasymov.

Ortalyq Azııa elderiniń syrtqy ister mınıstrleri sammıtke daıyndyq barysyn 4 naýryzda Ashhabadta ótetin kezdesý aıasynda talqylaıdy.

Aıta keteıik, Eýroodaq Ortalyq Azııanyń negizgi syrtqy saýda seriktesteriniń úshtigine kiredi. Sonymen qatar, óńir elderine baǵyttalǵan barlyq ınvestıtsııanyń 40%-dan astamy EO-ǵa múshe memleketterdiń úlesinde.

Eske salsaq, «Ortalyq Azııa — Eýroodaq» formatyndaǵy alǵashqy sammıt byltyr kóktemde ótýi tıis bolǵan. Degenmen ol Eýroodaqtyń basshylyq quramyndaǵy ózgeristerge baılanysty keıinge qaldyryldy.

Buǵan deıin habarlaǵanymyzdaı, Qytaı Ortalyq Azııa elderimen birlesip ónerkásiptik kooperatsııany damytýǵa nıetti.

Sonymen qatar, byltyr QR Premer-Mınıstri Oljas Bektenov Ortalyq Azııa elderi men halyqaralyq qarjy uıymdaryn kúsh biriktirýge shaqyrǵan bolatyn.